Ռուբեն Ապրեսյան. «Ինձ համար ադրբեջանցիներն ազգական ժողովուրդ են»

Text size:

Ռուբեն Ապրեսյա

«Ես դրական եմ վերաբերվում ժողովրդական դիվանագիտությանը:

Քաղաքագետները պետք է լսեն ժողովրդի կարծիքը և գնան նրա հետևից, իսկ ժողովուրդը պետք է կողմնորոշվի իր տպավորությունների հիման վրա, այլ ոչ թե լսի քաղաքագետներին, հակառակ դեպքում՝ ժողովրդական դիվանագիտություն չի լինի»:

Ինչպես հաղորդում է Armenia.Az-ը` վկայակոչելով 1news.az-ին, այս մասին հինգշաբթի լրագրողներին հայտնել է Ռուսաստանի Գիտությունների Ակադեմիայի Փիլիսոփայության ինստիտուտի էթիկայի բաժնի ղեկավար Ռուբեն Ապրեսյանը` Բաքվում անցկացվող՝ ՅՈՒՆԵՍԿՕ-ի բիոէթիկայի միջազգային հանձնաժողովի 18-րդ նստաշրջանի շրջանակներում:

Նրա խոսքով, գիտական ​​համագործակցությունը պետք է զերծ լինի քաղաքական նախապաշարմունքներից և կոնյուկտուրայից:

«Գիտությունը, ինչպես և մշակույթը, վեր է քաղաքական սահմանափակումներից և նախապաշարմունքներից: Եթե հնարավորություն լիներ այս միջոցառմանը միավորել Ադրբեջանի և Հայաստանի ներկայացուցիչներին, դա լավ կլիներ: Ինձ համար ադրբեջանցիները, իմ մանկական հիշողությունից, ազգական ժողովուրդ են և ազգակից մշակույթ ունեն: Հայրս գրում էր Հայաստանը, Ադրբեջանն ու Վրաստանը միավորող ավանդույթների մասին: Ինձ թվում է, որ հենց սա պետք է լինի գերակայություն», - ընդգծել է Ռ. Ապրեսյան:

Պատասխանելով լրագրողների հարցին` նա հույս է հայտնել, որ Հայաստանը կմասնակցի «Եվրատեսիլ 2012» մրցույթին:
Armenia.Az

Միշտ զարմանում են, թե ադրբեջանցիներին որտեղից ա հաջողվում սենց <<յան>>-ով վերջացող ազգանուն ունեցող մարդկանց գտնել, որոնց դժվար ա հայ անվանել, իսկ եթե ավելի խորանանք դժվար ա նաև մարդ անվանել: Դժվար ա պատկերացնել <<հարգարժան>> Ռուբեն Ապրեսյանը հասել բարձունքների, երբ չունի տարրական գիտելիքներ այն մասին, որ ադրբեջանցիները, ավելի ճիշտ քոչվոր կովկասյան թաթարների Հայկական լեռնաշխարհում հայտվել են ընդամենը 19-րդ դարի վերջում, իսկ ազգակցական կապերը ժողովուրդների մակարդակում 1 դարում չի, որ ձևավորվում են: Ցավալի ա սենց հոդվածների հանդիպել ադրբեջանական կայքում: